Gõychea Saibacho Utsov! Gõykarancho Gõykarponnacho Utsov!!

Expozisanv

Gõychea Saibacho Utsov! Gõykarancho Gõykarponnacho Utsov!!

Francis Xavier hea santachie povitr kuddichem prodorxon (expozisanv) Göyant ghoddun yeta. Tea nimitan sonvsarbhor saun bhavarthi lok amchea Göyant yetole. Hem expozisanv dor dha vorsamni ekdanch yeta dekhun tachi upatt khuxalkai ani umollxik sogllea Göykarank lagil'li asta. St. Francis Xavier hea santak Göykaramni Göycho Saib hi podvi dilia. Fokot Kristanv lokuch nhoi tor Hindu lok legit St. Francis Xavier hea santak Göy Saib mhunnonuch pachartat ani man ditat.

Göychea Hindu ani Kristanv somajant famad aslolea Deva mhojea Deva... hea Vijayanand Gaitonde hannem boroil'lea ekea prarthonant ek vak'ya asa. To aplea prarthonant boroita, Konni Ram mhunntta, konni krishna mhunntta, konni Jezu ani konni Allah mhunntta, him sogllim tim sobit sundor, tujinch nanvam re.... Dhorm vingodd asot punn Dev ekuch asta. Vingodd dhormant tachim nanvam vegllim asot punn soglleank samballpi to ekloch asta hem ami zannunk zai.

Göy Saibachea festak Göy bhorche lok bhavarthan sohobhagi zatat. Göy bhailean ghatt mathea velean hozaramni lok hea festachie poromporek dhorun cholot yetat ani aplo bhavarth uktaitat. Göy Saibak aplea kotthin somoyar angvonn sangun ghevpi ani festachea vellar ti bhettovpi je porim Kristanv bhav astat tech porim sabar Hindu bhav ani bhoinni astat hem hanvem svota onnbhovlam. Hea festak angvonnik sanglolio ani bhettounchelio khaxelio matiechio murti korpi ani festak vikpi lok bhou korun Hinduch asta. Festak kosloch bhed-bhav nasta.

Dha vorsamni ekdanch yevpi Göy Saibachie kuddichea prodorxonak tor desa bhailean saun legit lakhamni bhavarthi yetat. Dekhunuch tor to fokot Göychea Kristanv bhavanchoch utsov nhoi tor to sogilea Göykarancho protixtthecho utsov mhonn man pak zai. Ho utsov zoitvont zavop hi Kristanv bhavam vangddach Göychea Hindu ani musolman bhavanchii lagnnuk asa.

Ami Göykaramni eka-mekanchea bhavarthacho man samballpak zai. Mhozo Kristanv ixtt mhojea vangdda devillant yeta ten'nam to thoinchia sogllia ritink ani rivazank pallo dita. Hanv ken'nam-i mhojea kristanv ixttanchea resperak vo konna-cheai interak vetam ten'nam igorjentle soglle nem palittam. Eka-mekanchea dhormantlio riti-roviso ami pallttat ten'nam ami amchea dhormachio vonntti hupun Göykar zatat ani tache-i fuddem vochun monis zatat. Zo monis zata to monis dharm palltta ani sonvsar mogan ani apleponnan bhorta. Sogllea dhormant hench tor sangil'lem asa.

Göy saibachie kuddichem prodorxon ek atmik utsov ho dekhunuch somest Göykarancho atmik utsov. To vhodda dobajean monovop hem Göykaranchea protixtthechem zaun asa. Göy hem purai sonvsarant dhormik ekchara khatir famad. To ekchar ani bhavchar dakhovpachi tech porim sonvsarak ek dekh ghalun divpachi sond amkam Göykarank favo zalia.

Kaim vorsam adim Göyant PapSaib ail'lo ten'nam tankam mellunk Göy rajyachem jem upcharik xistmondoll gel'lem tatunt Kristanv bhavam vangddach kaim Hindu bhavui axil'le. Te Hindu vo Kristanv mhonn nhoi tor Göykar mhonnun tankam mellun sogllea Göykaram pasot PapSaibachem besanv gheunk gel'le.

Göy Saibachie kuddichem prodorxonacho ho utsov hanv anik eka karnna khatir mhotvacho man tam. Hea utsovacho prochear purai sonvsarar zata ani taka vhodd prosid'dhi melltta. Amchem Göy hem sonvsarantle ek famad poriotton tholl. Hea utsovachea nimitan Göy poriottonachea nokaxar pavta tacho faido amkam pordexi poriotok ani tanche vorvim Göykarank dhondo-vevsayak sond favo zaunche khatir zata hem ami motint dhorunk zai.

Cholat tor, amcho dhorm khuinchoi asom, ami Göykar asot tor Göy Saibachea Utsovak ektthaim yeum-ia ani to sodanch ugdasant urtolo itlo zoitivont korum-ia. Amen!

GULAB, DEZEMBR 2024

Comments

Post a Comment

Popular posts from this blog

मानपत्र- सर्गेस्त रॉकी मिरांद

Image
मानपत्र सर्गेस्त रॉकी मिरांद कोंकणी भाशेक आपलें भाशाशास्त्रीय अस्तित्व सिद्ध करपा खातीर व्हड संघर्श करचो पडला. प्रखर आव्हानांचो इतलो व्हड इतिहास घडये भोव थोड्या भासांच्या वांट्याक आयिल्लो आसतलो. आधुनीक कोंकणी चळवळीच्या इतिहासांत शणै गोंयबाब हांणी कोंकणी भाशेचो सर्वांगान अभ्यास केलो. भाशाशास्त्र संशोधनाच्या वावराची शणै गोंयबाबान बुनयाद घाली. हे बुनयादीचेर शास्त्रीय अभ्यासाच्यो वणटी चडोवपाचो मोलादीक वावर कोंकणी समाजान सातत्यान केलो आनी आयजय करीत आसा. ज्या लोकांनी हो वावर पुरायपणान प्रामाणीक, भावनीक आनी लागणूक भावनेन केलो तातूंत सर्गेस्त रॉकी मिरांद हांचें नांव आदरान घेवंक जाय.   सर्गेस्त रॉकी मिरांद हे कोंकणी भाशेचे निस्सीम भक्त आनी सेवक आशिल्ले. कोंकणी भाशेच्या विंगड घटकांचो तांणी शास्त्रीय नदरेन अभ्यास केलो. साहित्य आनी संशोधनाच्या सोबीत अलंकारांनी तिका सजोवपाचो वावर तांणी आपल्या जिवीत काळांत पुराय श्रद्धेन केलो. तांचो जल्म 19 सप्टेंबर, 1937 दिसा कर्नाटक राज्यांतल्या मंगळूर शारांत श्रीमती वॅरोनिका आनी श्री जॅकोब हांच्या घरांत जालो. श्रीमती पुष्पा देवकी बोबडे हिचे ल...
Read more

समाज माध्यमांवेले विखाळ ॲटम बॉम्ब!

Image
समाज माध्यमांवेले विखाळ ॲटम बॉम्ब! समाज माध्यमां ही आयचे पिळगेक मेळिल्ली अप्रूप आनी मोलादीक देण! खिणा खिणाक व्हडा गतीन प्रगत जावपी विज्ञान, तंत्रज्ञान आनी ते वरवीं उपलब्ध जाल्लीं विंगड समाज माध्यमां हांकां लागून आयचो समाज फाटल्या पिळग्यांचे तुलनेंत उणेच धा- बारा वर्सां मुखावेलें जिवीत जगता. ताका संवसारभरचो इतिहास आनी चालंत घडणुकांची माहिती खिणा भितर मेळटा. ताच्या गिन्यानांत मोलाची भर पडटा. पूण दुर्दैवान, हींच समाज माध्यमां हालींसरा फटींगपणां, दुस्वास, मत्सर, ढोंगीपणां, अंधश्रद्धा आदी गजालींक पोसवण दिवपी व्यासपिठां जाल्यांत. समाज माध्यमांची विश्वासार्हता उणी जावंक लागल्या. पहलगाम हांगा जाल्लो आतंकी हल्लो आनी उपरांत भारतान केल्ली खर कारवाय हाका लागून भारत आनी पाकिस्तान ह्या दोन देशां मदीं तणावाचें वातावरण तयार जाल्लें. भारतान पाकिस्तानांतल्या कांय सुवातीनी सैनिकी हल्ले करून आंतकवादाक जाप दिवपाक आमचो देश सक्षम आसा म्हणपाची शिटकावणी दिली. भारतान फारपेट, मिसायलां आनी ड्रोना वरवीं केल्ल्या हल्ल्यांक लागून देशांत कांय दिसां खातीर भिरांतीचें वातावरण तयार जाल्लें. दोनय देशांनी समजिक...
Read more