Xalla nanvachie bagentlim vidyarthi nanvachim fulam


Xikpi Ani Xikovpi

Xalla nanvachie bagentlim vidyarthi nanvachim fulam

XIKXOK ho iskolantlo avoi-bapui ani avoi-bapui he ghorche Xikxok oxem man'tat. Jea bhurgeank xikpa khatir oslem sokaratmok vatavoronn melitta tim bhurgim man'sik, xarorik, bhavnik nodren borim ghoddttat oxem ami sorbhovtonnim polletat.

Xikxonik mollar bhurgo ho mukhel ghottok asta. Xallentlio ani ghorantlio bhurgeachio xikxonik karyavolli vidyarthi-kendrit aspak favo. Punn ken'nam-ken'nam-i durdoivan toxem zalolem dixtti poddonam. Ami bhurgeancho volleyball kortat. Ghorchim bhurgeak kaddtta xalleche votten uddoita ani xikxokak sangta kim to tuje lagim chodd vell urta mhonnttokich tacho fuddar ghoddovpachi zobabdari tuji. Te votten xikxok kaddtta ani bhurgeak ghorche votten uddoita ani sangta to tumcho bhurgo, to ghora disachoi asta ani ratichoi asta dekhun taka ghoddovpachi zobabdari tumchi. Hea sogllea bovallant bhurgeachi sandwich zata

Halinch amchea susonskrut, suxikxit Göyant eke xikxiken aplea vidyarthiak zokhmi zata meren mar ghalo. Amchea Goyant odim-modim oslio ghoddnnuko chaluch astat. Oslio ghoddnnuko ghoddlio mhonnttokich chear dis, disalleamni ani somaz madheomacher lok rag uktaitat ani magir visron vetat. Opradhi xikxokank hie ghoddnnuke uprant nilombit kortat ani thoddea disamni te xikxok porthun kamar ruzu zatat.

Xikxokank apli veoktigot (personal) jinn ani apli vevsayik (professional) jinn hatunt forok korunk kollonk zai. Kaim xikxok aplo ghorcho rag. ghorchem tension gheun iskolant yetat. Oxeant xikxokanchem lokx xallent unnem ani ghora koddem chodd asta. Vastovik, jen'nam he xikxok B. Ed. obheaskrom' xiktat ten'nam tankam vingodd poristhiti koxi hatallpachi hanchem proxikxonn dil'lem asta. Bhurgeanchi man'siktai, tanchio oddchonni koxio hatalipachio tachem xikxonn hea xikxokank B. Ed. kortanam ditat. Punn fuddarak xikxok zavpak sodpi he B. Ed. vidyarthi gunn (marks) mellovpa khatir xiktat dekhun aplea veoktimotvant gorjecho bodol te ghoddovpak fattim poddttat.

Ek dis hanv vorgant xikounk gel'lom ten'nam eka bhurgean ghora korpak dil'lo vaur korunk nam mhunnpachem mhojea lokxant ailem. Hanvem tea

bhurgeak tapoinam fuddem to roddpak laglo. Mhozo vorg somptogich to bhurgo mhojea vangdda bhair ailo ani tannem, apnnem ghorcho vaur kiteak korunk nam tachem karonn mhaka sanglem. Adlea disak tachea ghora koddem tachie avoi-bapai modim akantachern kestanv zal'lem ani bapain tachie avoik boroch mar ghal'lo. Hem aikon mhojea dolleant sorr korun dukam ailim. Bhurgean chuk kiteak kelia tem zannun ghetle bogor tankam ken'nanch khast diuncho nam hem hanvem teach khinnak tharailem. Jea ghorant avoi ani bapai modim kestanv zata vo jea ghorant orthik poristhiti sam'ki vaitt asta, vo ghorant koslim tori kizilam astat tea ghorantlo bhurgo aplea xikpa koddem koxem lokx divpak pavtolo?

Xikxok ho-i xevttim monis asta. Aichea kallantio vaddtto stress, tension-am, obheaskrom sompovpachi zobabdari xikxokak ken'nam ken'nam apli zobabdari visrunk bhag poddtta. Oxea xikxokank khast zaunk zai. Jen'nam opradhi xikxokank khast zatli ten'nam herank bhoim toyar zatio

Khorem mhuttllear, oslio ghoddnnuko ghoddchioch nhoi mhonn sorkaran proyotn korpak zai. Zoxem vidyarthianchem counselling zata toxench xikxokanchem-i zavpachi goroz asa.

Bhurgim mhunnlear fulam. Tim tonan ani monan nazuk astat. Tankam bhou zobabdarien ani khobordarien samballpachim astat. Xalla nanv-achea jardinatlim vidyarthi nanvachim fulam fulovpacho vaur iskolant xikxok ani ghora koddem palokamni malli zaun korpacho asta.

Vidyarthi mhunnlear faleancho fuddar. To ghottmutt zatlo titlo amcho somaz bollixt zatlo. "Hatar boddi rhap-rhap.... Bhurgo xikta sopa-sop... oxem adlea kallar mhunnttale. Aiz poristhiti bodol'lia. Aiz bhurgea koddem palok ani xikxokamni ixtt zaun tanche lagim boreponn dovorpachi goroz asa. Aichea kallant bhurgeak marun nhoi tor tankam mayen vengent gheun somzaun xikovpachi goroz asa

Xikxokamni ani palokamni hatant hat ghalun bhurgeanchie udorgotik itlench kelear sonvsar-achie bagent borim pormollit, rongit ani sobit fulam fulunk vell lagcho nam.

GULAB, OTUBR 2024

Comments

Post a Comment

Popular posts from this blog

मानपत्र- सर्गेस्त रॉकी मिरांद

Image
मानपत्र सर्गेस्त रॉकी मिरांद कोंकणी भाशेक आपलें भाशाशास्त्रीय अस्तित्व सिद्ध करपा खातीर व्हड संघर्श करचो पडला. प्रखर आव्हानांचो इतलो व्हड इतिहास घडये भोव थोड्या भासांच्या वांट्याक आयिल्लो आसतलो. आधुनीक कोंकणी चळवळीच्या इतिहासांत शणै गोंयबाब हांणी कोंकणी भाशेचो सर्वांगान अभ्यास केलो. भाशाशास्त्र संशोधनाच्या वावराची शणै गोंयबाबान बुनयाद घाली. हे बुनयादीचेर शास्त्रीय अभ्यासाच्यो वणटी चडोवपाचो मोलादीक वावर कोंकणी समाजान सातत्यान केलो आनी आयजय करीत आसा. ज्या लोकांनी हो वावर पुरायपणान प्रामाणीक, भावनीक आनी लागणूक भावनेन केलो तातूंत सर्गेस्त रॉकी मिरांद हांचें नांव आदरान घेवंक जाय.   सर्गेस्त रॉकी मिरांद हे कोंकणी भाशेचे निस्सीम भक्त आनी सेवक आशिल्ले. कोंकणी भाशेच्या विंगड घटकांचो तांणी शास्त्रीय नदरेन अभ्यास केलो. साहित्य आनी संशोधनाच्या सोबीत अलंकारांनी तिका सजोवपाचो वावर तांणी आपल्या जिवीत काळांत पुराय श्रद्धेन केलो. तांचो जल्म 19 सप्टेंबर, 1937 दिसा कर्नाटक राज्यांतल्या मंगळूर शारांत श्रीमती वॅरोनिका आनी श्री जॅकोब हांच्या घरांत जालो. श्रीमती पुष्पा देवकी बोबडे हिचे ल...
Read more

Gõychea Saibacho Utsov! Gõykarancho Gõykarponnacho Utsov!!

Image
Expozisanv Gõychea Saibacho Utsov! Gõykarancho Gõykarponnacho Utsov!! Francis Xavier hea santachie povitr kuddichem prodorxon (expozisanv) Göyant ghoddun yeta. Tea nimitan sonvsarbhor saun bhavarthi lok amchea Göyant yetole. Hem expozisanv dor dha vorsamni ekdanch yeta dekhun tachi upatt khuxalkai ani umollxik sogllea Göykarank lagil'li asta. St. Francis Xavier hea santak Göykaramni Göycho Saib hi podvi dilia. Fokot Kristanv lokuch nhoi tor Hindu lok legit St. Francis Xavier hea santak Göy Saib mhunnonuch pachartat ani man ditat. Göychea Hindu ani Kristanv somajant famad aslolea Deva mhojea Deva... hea Vijayanand Gaitonde hannem boroil'lea ekea prarthonant ek vak'ya asa. To aplea prarthonant boroita, Konni Ram mhunntta, konni krishna mhunntta, konni Jezu ani konni Allah mhunntta, him sogllim tim sobit sundor, tujinch nanvam re.... Dhorm vingodd asot punn Dev ekuch asta. Vingodd dhormant tachim nanvam vegllim asot punn soglleank samballpi to ekloch asta hem ami z...
Read more

समाज माध्यमांवेले विखाळ ॲटम बॉम्ब!

Image
समाज माध्यमांवेले विखाळ ॲटम बॉम्ब! समाज माध्यमां ही आयचे पिळगेक मेळिल्ली अप्रूप आनी मोलादीक देण! खिणा खिणाक व्हडा गतीन प्रगत जावपी विज्ञान, तंत्रज्ञान आनी ते वरवीं उपलब्ध जाल्लीं विंगड समाज माध्यमां हांकां लागून आयचो समाज फाटल्या पिळग्यांचे तुलनेंत उणेच धा- बारा वर्सां मुखावेलें जिवीत जगता. ताका संवसारभरचो इतिहास आनी चालंत घडणुकांची माहिती खिणा भितर मेळटा. ताच्या गिन्यानांत मोलाची भर पडटा. पूण दुर्दैवान, हींच समाज माध्यमां हालींसरा फटींगपणां, दुस्वास, मत्सर, ढोंगीपणां, अंधश्रद्धा आदी गजालींक पोसवण दिवपी व्यासपिठां जाल्यांत. समाज माध्यमांची विश्वासार्हता उणी जावंक लागल्या. पहलगाम हांगा जाल्लो आतंकी हल्लो आनी उपरांत भारतान केल्ली खर कारवाय हाका लागून भारत आनी पाकिस्तान ह्या दोन देशां मदीं तणावाचें वातावरण तयार जाल्लें. भारतान पाकिस्तानांतल्या कांय सुवातीनी सैनिकी हल्ले करून आंतकवादाक जाप दिवपाक आमचो देश सक्षम आसा म्हणपाची शिटकावणी दिली. भारतान फारपेट, मिसायलां आनी ड्रोना वरवीं केल्ल्या हल्ल्यांक लागून देशांत कांय दिसां खातीर भिरांतीचें वातावरण तयार जाल्लें. दोनय देशांनी समजिक...
Read more